طرائف أبو أمين الخاصة جداً

فيلم -درس البكلوريا-

واضح انو ابو امين قطع الدرس تبع امين ورفيقو وقعد يصور الفيلم وشغّل الاستاذ ممثل كمان

يعني طلعتلو فكرة فورا نفذها عحساب درس بكالوريا كامل
وهلشي لحالو نكتة اقوى من الفيلم بحد ذاتو

MOON كتب:وصلتني بالبريد
======
شوفوا ابو امين كيف عميوجه دعوة بالبريد لرفقاتو القدمى مشان يلم الشمل:
----------

دعوة غير مجانية:

معزومين عندي علبيت لتدوقوا طبخات مرتي وتتعرفوا مرتي وأولادي.

المناسبة:
في شهر أكتوبر رح يصير عمري 60 سنة كل سنة تنطح اختها نطح لو ضلينا طيبين.

المسؤول الإعلامي:

نونة المتخاذلة المتقاعسة والتي لم تخبر أحداً حتى الآن.

المدعوون:

نفس الطرش السابق مع إمكانية اصطحاب ولد واحد بطنو صغيرة

وبقية الأولاد علويتينك ليست + نجدت + نيللي + دانية

هدول بيخطفوا رجلن وبيجوا من ألمانيا ولندن بيشربوا عندي

نص كاسة مي باردة وبيرجعوا دغري من غير مطرود.

أما عتاب فسنستقبلها من خارج الباب.

على كل رأس أن يجيب معو ما يلي على أقل تقدير:

ترموس شاي - ترموس قهوة - بيدون مي 25 ليتر - بساط -

سجادة - بطانية - بيل - فانوس كاز- عدة صيد بري وبحري....

.ويفضل استبدال الأدوات ب خرج ناشف.

توجد إمكانية للنوم في الحديقة فوق خازوق البحرة لمن يرغب.

أو في مرسم بنتي دانة شريطة تعزيل المنزل.

الكيفية:

نونة تعهدت بتبليغ الجميع منذ شهر.

وابقوا قابلوني بقا.

أنتظر رد نونة حتى نهاية يوم 14.5/ 15/ 3012.

وقع هذه الدعوة ومهرها بحافره الكريم سيادة:

رئيس رابطة إتحاد الأثريون الأشاوس الموقر.

والذي نال الرئاسة لسبب كونه أكبر المذكورين سناً وقدراً

وفصاحة ورقياً .... إلخ

يبلغ من يلزم ويعمم بالقوة تحت طائلة مذكرات جلب وإحضار بطريقة : موجوداً.


No matter what they say , we are all ok.

14-10-1950
يصبح عيد ميلادو الستين اليوم - برج الميزان العظيم

ما شاء الله لا قوة الا بالله ولا ابن أربعين ومستحيل تعطيه 40 سنة اللهم صلي على سيدنا محمد وعلى آل سيدنا محمد عدد كمالك وكما يليق بكمالك.

السنة الماضية شفتو وحكيت معو وكان معنا ابن خالتي ورفقاتي بس هوه ما بيعرفني ما شاء الله ما شاء الله شخصية مذهلة وما بيطلع بعين الشخص ابدا كنت شايفتو من شي 10 سنين ما تغير عليي مستحيل ما تحبو فورا فورا متوااااااااضع وبسيط لأقصى الحدود مرة بتلاقيه خجول وبعد شوي بصير غير شخص سريع البديهة والنكتة وبغشم حالو بس على مين؟؟؟؟؟؟!!!!!!!



سألو قرايبي شو بتاكل وشو نظامك للرياضة والأكل والنوم قال والله مقصر كتير ما لعبت رياضة من شي 25 سنة أبداً وما عندي نظام للنوم ولا نظام غذائي الحمد لله باكل الأخضر واليابس ماني محمي عن شي بس باكل شغلة واحدة علسفرة ما بقدر آكل شغلتين وما باكل بين الوجبات أبدا هيك طبيعة مو نظام واكلي بطئ كتير كلما عزموني بلنبك بيجرصوني هنن بيقوموا عن الأكل وانا بضل لحالي نص ساعة بعدن وببلشوا فيني بهدلة وخصوصي عبد العزيز معقالي

ابن خالتي هلك حالو بدو ياخدو معنا علمطعم وكنا بلشام بلشارع رفض تمام وقال بنتغدى ببيتي وقعد يتلفن لمرتو أخد ابن خالتي منو الموبايل وحطو بجيبتو تركنا ومشي وسحب موبايل تاني لحقو ابن خالتي واقنعو نروح على بستان رفيقو بلشام وافق بسهولة وركبنا السيارة وكان أحلى مشوار رحتو بحياتي.......

الله يديم عليه الصحة والعقل والعافية وعقبال 100 سنة يا حبيب الناس الفهمانين بمعادن الناس.......

تلترباع الوقت تاركنا كل الوقت عميصور كلشي وحيلله شي بس انتبهت أنو مستحيل يتطلع بعيون الواحد وهادا شي لاحظوه كتير ناس غيرنا وما جاه ولا تليفون يمكن سكرن بس كان يبعت رسائل كتير ويصور كتير ولما صار ليل قعد يصور النار وكأنو معنا ومو معنا منوب رجل غريييييييب لأقصى الحدود بسييييييط جدا وغامض جدا جدا مو ممكن تنطبق كتاباتو يلي بنقراها على حقيقتو ولا على شكلو......أبدااااااا

طلعت عن الموضوع لكن جبتلكن(سرقة)رسالة كتبا لرفقاتو.
=======

بلشتوية الماضية كتب أبو أمين رسالة لكروب بريدي من المقربين رفقاتو يشكي همو وانا شخصيا ماضل فيني خواصر من كتر الضحك وهذا هو النص :
=======================
الشكوى لغير الله مذلة.

بدي ذل حالي وأمري لله.

لمين بدي أشكي همي ومين ممكن يفرج كربي وغمي؟

ناس بتنسى الخبز والملح والإسكالوب بانيه كمان.

ولا نص ربع رسالة بتبعتلي علإيميل.

وإذا حاكتني علموبايل ما بفهم منها شي غير (بر بر بر بر بر ) من كتر سرعتها بالكلام.

بتسأل سؤال وما بتستنى الجواب وبتسأل غيرو وبتبهدل على شغلات بحيث أنو الواحد ما بيعرف ليش عمياكل البهادل.

ما بتخلي الواحد يحكي ولا نص كلمة علموبايل حتى لو كان عميتصل من كيسو....

أنا واثق من أنو جوزها علجنة سقط لقط دون حساب متل مرتي تمام.

ببعتلها س م س أنو ما عندي تغطية ببيتي بتحاكيني علموبايل.

وبينقطع الخط.

بطلع علجنينة بلبيجاما لحتى لاقي شوية تغطية وبتصل فيها لشوف شو بدها.

- بر بر بر بر بر ...

- لك اسكتي شوي وخليني احكي...

- بر بر بر بر ...

نص ساعة الله وكيلكون بلجنينة زنطرت من البرد وما فهمت غير (بر بر بر بر ).

والقطط عميتحيونوا كمان ويصيحوا بدهن ياكلوا وأنا نازل فيهن خبط ولبط وما عبيت عيونن كمان...

صار معي كريب وزحار أميبي في العقل الباطن ومع ذلك ما فهمت منها شي.

وهي ما عمتفهم أنو موجود اختراع اسمو الإيميل.

فردت المحرمة وقعدت ابكي.

خلصت أول علبة كلينكس أخت هلحالة.

خلصت تاني وتالت علبة فاضطررت لاستخدام طشط لاستقبال الدموع المنهمرة.

بعدين ما كفاني الطشط.

جبت معلم صحية مددلي من أسفل الطشط كوع وبوري 4.5 بوصة عالمجرى الرئيسي للبناية.

طافت البناية واجت البلدية تشفط فائض المياه لقوها غزيرة جداً فتتبعوا المصدر وزبطوني

عمببكي فوق الطشط آموا دفّعوني غرامة كبيرة .


هاد غير أجرة سيارة البلدية مع إنذار عدلي وتعهد خطي بعدم البكاء.

وفوق التعهد المذكور رطلين طوابع كمان.

أنجدوني....

شو بدي ساوي مع واحدة مو سمعانة بشي اسمو إيميل؟

لك سجلت المكالمة من الموبايل وقعدت على مهلي حلل الرموز وأبطأت سرعة التسجيل شوفوا شو طلع معي.

يا جماعة حدا منكن فهم شي من كلامها؟


رابط 164.2 Kb

خلصت الرسالة
--------

طبعا انا فكرت انو فعلا سجل المكالمة حطيت التسجيل وخففت السرعة طلعت نشرة أخبار عن قنبلة هيروشيما

هااااااااه هع ياي ياي يااااااااي

Hi-ws members من سوسن هدية للاستاذ اسامة ولاعضائنا
http://www.ziddu.com/viewfile/11309239/hi-w.s-members.wmv.html


سألوه ايمتى ميلادك قال:
انا متذكر اني خلقت 14-10-1950
وأمي عمتقول 15-10-1950
ما بعرف مين فينا الصح......

عقبال مليون سنة تقضيها بصحة وسعادة وجهاد لا ينتهي






وهي لقينالك هدية أغاني من الستينيات قديمة ونادرة جدا بتحبا وعمتدور عليا:

ذوقك عظيم جدا جدا ولولاك ما عرفنا هيك اغاني

جوني كيتار قالولي الاغنية ل بيجي لي بس انا بعرف انو ممثلة مو مغنية

johnny guitar.mp3
1.3 ميجا

http://www.ziddu.com/download/12082844/johnnyguitar.mp3.html


جوني ريمبر مي لجون ليتون

john leyton-johnny remember me.mp3
2.8 mb

http://www.ziddu.com/download/12082865/johnleyton-johnnyrememberme.mp3.html

هذه قصة منقولة تازة من 21 فرطتني ملضحك:
=================

حوالي عام 2005/ قبل أو بعد بارتياب قدره (- + خمس سنين )كان يتوجب علي الدخول في قتال ما لا محالة.

طفل يبلغ حوالي 10 سنين لا أعرفه يبكي في الشارع وقال لي أن واحد عسكري شاب بالحارة شاطو على طيزو.

قلت للصبي ولا يهمك تعا معي ودلني علشب.

قال لي: ليكو هادا هو.

-أيا واحد؟ هدول اتنبن عساكر واقفين عميستنوا الباص؟

-هادا الطويل.

وجدت أمامي شاباً مفتول العضلات وكأنه يمارس رفع الأثقال وبجانبه زميله العسكري وضخم أيضاً.

أنا هرش نظامي لم أمارس الرياضة منذ 30 سنة على أقل تقدير.

ولو رفعت يدي للأعلى لأكثر من خمس ثوان لأصابني التشنج العضلي على الفور.


ضخم وطويل جداً يجب أن تكون حاد البصر لكي ترى رأسه.

العمى على هلورطة....

مستحيل أن أقدر عليه إلا بضرب أماكن حساسة قد تكون تكون قاتلة.

فهنا لا يمكنك إلا الضرب بكامل قوتك.وإلا لأصبحت قطعة بسطرمة بين يدي ذلك الروبوت العجيب.



ولو فرضنا أن هذا قد حصل فكيف أقدر على زميله؟

لو ضربت الضخم وشمعت الخيط فالشاب الثاني سيسبقني بالجري حتماً.

أسعفني عقلي المتقد ورجاحة دماغي فقلت للشاب الطويل:

وطي شوي واسمع شو بدي وشوشك.

انحنى الشاب الضخم متر ونصف على الأقل لكي أوشوشه.

قلت له وشوشة:

انت شطت الصبي وأنا أبوه لازم تسمحلي شوطك قدامو.

قال بمنتهى الأدب نظراً لضآلة حجمي مقارنة بحجمه:

والله يا عم الولد ضربنا بالحجر وقال لا توقفوا هون وشتمنا كمان عملتلو دفشة صغيرة مشان نستنى الباص.

قلت وشوشة:

حاطط عقلك بعقل ولد صغير؟ لازم شوطك قدامو والا رح يصرعني لتاني يوم وهو يبكي.ولازم ما تضحكوا كمان.

أعجبته الفكرة تماماً وتمت الشوطة بنجاح باهر رغم صعوبة وصول قدمي لطيز الشاب الطويل دون أن أصاب بتمزق عضلي.

وهكذا شعر الصبي بالسعادة.

الشاب ورفيقه شعرا بالسعادة.

أما أنا فكنت أسعد الجميع.

-------

الآن تذكرت كلام قاله لي المرحوم عبد الكريم غزال.

قال أحد حكماء النبك:

إذا بدك تساوي حالك قبضاي قدام الناس فوت علمنزول وشوف أضخم وأرجل واحد مشهور بقوته واسمطو كف.
إذا سكتلك عدّولك ياها مراجل.
وإذا سوالك أتلة ما حدا بيلومك.

أستاذنا وحبيبنا الفاضل:
==========
ما عندي بريدك...راسلتني وقالت لك هذه هدية ميلادك وأنت ستفهم:

osama,

Suddenly something very strange happened.

I can’t explain why, but I felt an irresistible impulse to
enter into telepathic contact with you as soon as possible,osama.

I sat down at my worktable and did a psychic session for you.

Contact was established almost immediately, and the visions I
had about the way your life is unfolding were incredibly clear.

It was like watching a movie of your life!
I could see all the difficulties you’ve been dealing with, all
the bad news you’ve been getting, all the disappointments and
delays you’ve had to face in the most important areas of your life.
....I can tell you that it was your psychic enemy, trying to make things even worse for you.....
Among the people you know,

someone is very bitter towards you, and is sending you a lot
of very negative thoughts, full of rancor and pessimism, jealousy and bad ....

I am convinced that you are someone who really deserves a happy and fulfilling life.

I call you one of the "great and beautiful souls."
That’s why I want my visionary gifts as a medium to guide you....

In all friendship I remain,
Yours faithfully,


طبعا أنا ما فهمت شي.
ممكن تراسلها؟
لن تعجز عن إيجاد ميلها.
أو راسل المنتدى أو أي عضو ممكن تعرفو بيعطوك ايميلي لو تكرمت وراسلتني.
أيا عضو هون بيعرف عنوان الاستاذ ياريت يخبرو بسرعة ضروووووووري.